Namsvatnet

18.03.2006 20:36

Vinden auka på i går kveld og etter å ha blitt underholdt av Radio Lierne til langt på kveld, så måtte eg ut å sette opp fleire bardunar. Vinden kom sidesvegs på teltet, så då bør det iallefall vera 2-3 bardunar på kvar side.

Idag gjekk eg vidare på Limingen fram til Røyrvik. Var litt skeptisk til isen i det som var markert med namnet “Sundet” på kartet like ved Røyrvik. At det er elveutløp og eit kraftverk like innanfor gjorde det ikkje betre. Her var det ope vatn, men ingen problem å gå på det som no er land på grunn av nedtapping. Isen var ellers god og det plar den også vera ifølge lokalkjente.

I Røyrvik tok eg ein lang pause. Var innom butikken og bensinstasjonen. Jammen hadde dei ikkje 4-takts miljøbensin også, så nå har eg iallefall nok for ei stund. Fekk også snakka med ein som var kjent i området. Han kunne fortelja at isen på Namsvatnet var heile 70cm tjukk, men at det som vanleg var ope vatn i området som på kartet er markert med Tjåelmie. Men det var bare å følga scooterløypa på land, den gjekk forøvrig nesten heilt til Viermahytta.

Rusla vidare oppover langs vegen til Namsvatnet. Sidan det hadde kome litt snø inatt, så var det greit å ta seg fram. Litt hardt for føtene å gå på snø/asfalt, så akkurat det kjennes. Sidan det er utanfor sessongen, fekk eg lov til å overnatta på eit ope rom som tilhøyrer Røyrvik fjellstyre. No er det snart middag og så har eg litt laurdagsgodteri liggande.

Imorgon går eg over Namsvatnet til Viermahytta og sikkert også eit godt stykke vidare viss været er bruktbart.

Utsikt ut over Namsvatnet

2 kommentarar til “Namsvatnet”

  1. kjell-arne aspenes

    March 19th, 2006 11:03

    Det går “rasende” fint med deg.
    Jeg er litt misunnelig på det altfor gode været
    som følger deg, ja nesten på hele turen til nå.
    Det har vært en god medspiller å hatt med seg.
    Stå på. Kanskje vi møtes lengre nord……Hvem vet.

  2. St,

    March 19th, 2006 01:33

    God tur vidare, Ragnar! Godt at det var rom for deg i herberget på ein laurdags kveld. Kjekt å fylgja deg Npl…

Legg til ein kommentar

You must be logged in to post a comment.

Tilfeldig valgt bilde

155.jpg

Date: 10.02.2006

Nyeste album

Etappe14-15 Maze-Skaidi-Nordkapp

Etappe14-15 Maze-Skaidi-Nordkapp

Date: 15.05.2006