Ingunn Sveri og Thomas Andrè T. Sveri på kjøkkenet

Tørka mat på tur?

Det var ein dag i slutten av november og inne på eit lite kjøkken var det hektisk aktivitet. Eg var i Thomas Andrè T. Sveri sin leilighet og ilag skulle vi denne dagen lage eit par matrettar til "Norge på langs"-turen min.

Det er fleire gode grunnar til å ta med tørka mat lengre turar: Det er viktig å så lett oppaking som mogleg, og tørking reduserer vekta drastisk. Det andre er å få i seg nok næringsrik mat og det kan enkelt styrast ved å komponera store nok dagsporsjonar.

Frysetørka mat àla "Real turmat" kan også nyttast, men dette blir forholdvis dyrt, samt at det er lett å gå lei ein del av dei rettane. Det er også ofte ønskeleg å ha større porsjonar med meir energi enn det som er å få kjøpt, men dette kan løysast ved å f.eks. tilsette litt potetmos. På turen kjem eg også til å ha med litt real turmat, i tillegg til å også handle inn meir "fersk" middagsmat i lokale butikkar eg drar innom. På ein del turisthytter kjem eg nok også til å lage middag av den provianten som er der.

Totalt vil eg difor bare ha klar 60 middagsporsjonar med heimetørka mat på turen, som tar ca 100-120 dagar. Desse pakkane med mat blir sendt i pakkar til depò langs ruta. Dette er ofte ein post-i-butikk, eit hotell, eit gjestgivere og liknande. Sidan maten er tørka og vakuumpakka, held den seg god også i romtemperatur, og har ingen problem med å klare postgangen.

Underteikna et middag i teltet under ein tur på Svalbard. På grunn av kulden, blir ofte varmmaten ete frå ein thermokopp 

Matrettar

Det er ialt satt opp 14 forskjellige matrettar til turen. Ein del av desse vart nytta med stort hell under ein tur på Svalbard i 2004. Det er min gode venn Thomas Andrè T. Sveri som har komponert desse utmerka matrettane, som alle består av tørka kjøtt/fisk av eit eller anna slag, samt tørrmat (Toro-poser, potetmos, ris, makaroni o.l.).

Makaroni og kjøttsaus
Jegergrytte m/potetmos
Italiensk gryte
Meksikansk gryte
Bali Kylling gryte m/ris
Svinekjøtt i karri og Ris
Kylling i Karri m/ris
Pølser og bønner m/potetmos
Lapskaus m/potetmos
Laksegryte m/potetmos
Pasta Parma m/skinke
Stroganof gryte m/ ris
Rodane viltgryte m/Potetmos

Skinka blir kutta opp i små terningar, før den blir lagt ut på eit brett med bakepapir og tørka i omnen



Auren blir steika på panna, tilsatt krydder og deretter tørka i langpanne i varmluftsomn



Dagens tørking av mat

Dagens plan var å lage til "Pasta di Parma m/skinke" og "Laksegryte m/potetmos". Thomas gjekk igang med fisken, mens eg tok meg av skinka. Eg starta med å kutte opp den røykte skinka i skiver og deretter i strimler, før det til slutt blei små terningar. Så var det bare å helle skinkebitane over i ei langpanne med bakepapir.

Til laksegryta hadde Thomas fått tak i meget god Aure, minst like godt som laks. Denne vart først steikt og krydra, før den vart riven i små bitar og lagt på bakepapir i ei langpanne

Ilag med litt oppkutta blomkål, vart alt stua inn i varmluftsomnen og temperaturen vart satt på 70-80 grader. Det tar ganske lang tid å tørke kjøtt og fisk, mens grønsaker går relativt raskt. Etter nokre timar var blomkålen minska til ein tidels storleik og dermed ferdig tørka. Skinka stod vel i omnen i omlag 15-16 timar, mens fisken måtte ha nærare eit døger.

Pakking av tørka mat

Til pakking av dei forskjellige middagsrettane hadde vi gått til innkjøp av ein veldig billig vakuumpakkemaskin. Denne er kanskje ikkje like god som dyrare variantar, men den fungerer greit til vårt bruk, særleg etter at vi fekk tak i god plastikk. Pakking i vanlege fryseposar fungerer også meget godt og er sjølvsagt det enklaste.

Vakuumpakkemaskinen sug ut lufta or posen og forseglar den deretter ved hjelp av ein varm metalltråd. Den tørka maten held seg ekstra godt i vakuumposen, men bør likevel frysast ved lagring over litt tid. Pakkane med mat kjem til å bli sendt i postpakkar til ulike depò rundt om i Norge og vil då vera i romtemperatur opptil eit par veker, noko som er uproblematisk så lenge ein er svært nøye under tørkeprosessen.






Ein ferdig "Pasta di Parma m/skinke"-meny beståande av ein pakke Toro Pasta di Parma, litt paprika, litt sopp, tørrmelk og ca 65 gram tørka skinke står klar for å bli vakuumpakka.

Ein ferdig vakuumpakka porsjon med heimekomponert "Pasta di Parme m/skinke"