Ut av teltet og ned til Finse

07.02.2006 16:52

Vinden spakna utpå morgonkvisten idag, så då gjekk eg igang med å rive leiren; ingen enkel oppgåve når det har føyka snø i eit døgn. Det måtte gravast djupt ned, opptil 1,5 meter for å få fatt i pluggane. Sjølve teltet satt også godt fast, så det tok tid å få alt pakka ned i pulken, som forsåvidt også var nedsnødd, men som eg heldigvis hadde gravd fram kvelden før.

Det var ein kjøleg trekk på dei litt ver 9kilometerane fram til Finse, men sola var framme og det var flott utsikt mot Hardangerjøkulen. Det tok rett over 2,5 timar fram til den veglause bygda Finse. Turisthytta har ikkje opna for sessongen, så hotellet Finse1222 var einaste overnattingsstad. Men her er det veldig bra, sjølv om det koster litt, så er det verdt det etter mange dagar på tur. Skal snart bort på Finse post-i-butikk (Jernbanestasjonen) for å hente ein pakke med meir mat, så skal eg kjøpe diverse ting i Handlebua her på hotellet. Seinare ventar ein bedre middag. Ikveld skal eg gå over utstyret og fikse litt på det eine draget på pulken, skrive meir om turen og sikkert slappe av litt i badstua. Imorgon går sansynlegvis turen vidare, men det er ikkje så altfor gode vèrmeldingar, så det kan hende eg tar den alternative ruta og kanskje også ein variant av den også. Kan forøvrig melde om at paret Gussiås som også går norge på langs, forlot Finse idag etter nokre dagar pause. Dette ifølge resepsjonen her på hotellet

2 kommentarar til “Ut av teltet og ned til Finse”

  1. February 7th, 2006 21:23

    Da er det rette til riktig navn

    Thomas

  2. Olvar Gussiås

    February 7th, 2006 18:07

    Hei
    Vil bare korrigere, det andre paret heter Gussiås, ikke Gulliås.

Legg til ein kommentar

You must be logged in to post a comment.

Tilfeldig valgt bilde

IMGP1912.JPG

IMGP1912.JPG

Date: 25.04.2006

Nyeste album

Etappe14-15 Maze-Skaidi-Nordkapp

Etappe14-15 Maze-Skaidi-Nordkapp

Date: 15.05.2006