Arkiv for kategorien 'Konkurranser'

Vinnar av quiz-konkurransen

06.04.2006 09:00

Ja, då er vinnaren kåra. Quizen var ganske vanskeleg og det var også meininga. Gratulerer til Åslaug Borgen Harboe som hadde heile 8 av 10 rette svar!

Ellers varierte det mellom 1 og 7 rette

Fasiten blir lagt ut i kommentarfeltet under

Konkurransen finn du her

Npl-Quiz

17.03.2006 00:11

No er eg straks halvegs og det er på tide med ein ny konkurranse. Nokon av spørsmåla må du nok gjette deg til, mens andre kan du kanskje klare viss du har fulgt godt med på bloggen. Det er 3 svaralternativ, bruk kommentarfeltet for å sende inn svaret.

Du skriv f.eks: 1B, 2A, 3C osv. Du kan gjerne også kommentere og begrunne svara viss du vil

Premien er denne gongen eit par håndlaga ullsålar frå Luss og Busserulleriet i Kve-bua. Dette er dei beste ullsålane eg har sett til no. Den som vinn får sjølvsagt sålane i ønska skonummer!

QUIZ

  1. Kva liker eg best av desse middagane? Dette er tørka middagsmat som eg har på turen. A: Laksegryte B: Rondane viltgryte C: Italiensk gryte

  2. I Kvam kjøpte eg med meg 1 kg vingummi. Kor lenge gjekk det før denne boksen var tom? Kan ta med at ein blir ganske sugen etter snop på ein tur som dette A: 2 dagar B: 3 dagar C: 5 dagar

  3. Kor mange personar er akkurat no ute å går Norge på langs? A: 9 B: 10 C: 11

  4. I kjellaren på Finse 1222 heng det ganske så flotte bilde frå innspelinga av ein av Star wars- filmane. Men kva for episode? Kan ta med at innspelinga føregjekk på Hardangerjøkulen i mars månad og at det var to snøstormar som skapte ein del problem. Heile settet på 70 personar var værfast på Finse nokre dagar! A: Episode 4 B: Episode 5 C: Episode 6

  5. Når gjekk Lars Monsen Norge på langs? Han og ein annan gjekk turen frå Kirkenes til Halden, langs norskegrensa, og brukte eit år på turen. A: 1988-89 B: 1989-90 C: 1990-91

  6. Kor lang og brei er pulken min? A: 58cm brei og 190cm lang B: 53cm brei og 150cm lang C: 60cm brei og 135cm lang

  7. Kor mange dagar har eg holdt meg i ro, enten værfast eller fordi eg har tatt ein kviledag? A: 2 dagar B: 3 dagar C: 4 dagar

  8. Kor mange teikn er det maksimalt i meldingane eg sender via satelitt? Ok, denne er kanskje litt vrien… A: 152 B: 154 C: 160

  9. Då eg var ved prinsehytta i Sikkilsdalen var det ingen kongelege (eller andre) i mils omkrets. Kongefamilien var i Torino for å sjå på OL og i den forbindelse vart ein av dei intervjua denne dagen. Dette såg eg altså på mobil-tv, m3n kven var det? A: Kong Harald B: Kronprins Haakon C: Kronprinsesse Mette Marit

  10. Til slutt kan vi ta nokre påstandar. Finn ut kva for ein som ikkje er sann! A: Eg mista GPSen, men gjekk tilbake og fant den igjen B: Eg har kjørt på ski med pulk i ca 40 km/t C: På Finse satt eg 2 timar i badstua

Vel, då er det bare å svara. Du bruker altså feltet under og eg tar kontakt på epost viss du vinn. Alle som vil kan delta!

Vinnar av OL-konkurransen

26.02.2006 23:21

Eg har den glede av å gratulere Jan Herigstad som vinnar av denne konkurransen. Jan tippa 19 medaljar og det vart fasiten etter Torino OL for Norges del. Jotunheimskalenderen er din!

For meg som er ute på tur, så har det vore artig å følge med på OL innimellom. Med lite tilgang på vanleg tv, har det blitt litt radio og wapping. I tillegg har mobil-tv vore flittig brukt. Husker kanskje best då eg såg opptak av Half pipe på Sikildalsetera. Fekk også med meg eit intervju med kronprins Haakon. Så mens eg var ved prinsehytta, var altså kongefamilien i Torino. Då eg var i Kvam hadde eg tv på rommet. Høgdepunktet var eit par av curlingkampane, verkeleg imponerande. Alt i alt synes eg det har vore flotte olympiske leikar.

Snart kjem ein ny konkurranse. Følg med!

OL-konkurranse

10.02.2006 08:35

Kor mange medaljar tar norge under OL i Torino? Tipp svaret i kommentarfeltet under. Premien denne gong er ein flott kalendar frå Glittertind forlag med bilde frå Jotunheimen. Du kan svare fram til og med den 12.februar. Lykke til

Konkurranse (Vinnar utropt)

30.01.2006 21:45

(Innlegget første gong lagt ut 28.01.2006 14:10)

Idag tidleg var det 12 kuldegrader. Etter ein halv time med primusfyring i innerteltet, kva var temperaturen då? Svar ved å bruke kommentarfeltet. Premie til den som svarer rett

Rett svar: 27 plussgrader i skulderhøgde!

Konkurransens vinnar vart Knut Harald, som var nærast då han tippa +29 grader. Gratulasjonar og ein fin smørekniv i tre er snart på veg i posten til Varhaug Dette var ikkje eit lurespørsmål, sjølv om det kanskje kunne virke slik.

Det blir fort godt og varmt ved primusfyring inne i innerteltet. Primusen har ein effekt på ca 3000W og det kan jo samanliknas med å sette på ein stor vifteovn. Innerteltet er jo også ganske tett, slik at lufta blir verande der. Ved fyring i ytterteltet blir det ikkje heilt den samme effekten, sjølv om det hjelp godt på det også.

Tilfeldig valgt bilde

IMGP0324.JPG

Date: 15.01.2006

Nyeste album

Etappe14-15 Maze-Skaidi-Nordkapp

Etappe14-15 Maze-Skaidi-Nordkapp

Date: 15.05.2006