Skaidi

01.05.2006 19:45

Traska vidare ned til Skaidi idag. Sekken har vore litt for tung for asfalt-gåing og det har satt sine spor på føtene. Fekk bruk for alle gnagsårplastera eg har hatt liggande lenge.

Etter eit par timar kom ein syklist med stor oppakning til syne langt der framme. Det første som slo meg var at dette måtte vera ein NPL-syklist på veg sørover. Ganske riktig, det var Rolf-Erik Poppe på veg sydover igjen. Han har i vinter gått på ski nordover…Han hadde Bixit-kjeks å by på og det var hyggeleg å slå av ein prat om turane våre. Han for vidare med Alta som dagens mål. Kom meg inn til Skaidi etter kvart. Her møter E6 vegen mot Hammerfest og det er eit relativt stort vegkryss og dermed også ein del folk. Hadde meg litt mat på kroa før eg gjekk oppom hotellet for å henta eit brev som var adressert dit. Dei hyggelege folka på Skaidi Arctic hotell ga meg ein god pris på overnatting, så eg fann ut at det var godt å slappe av der. No skal eg få sendt vekk det meste vinterutstyret slik at sekken blir leveleg igjen! Har imiddlertid erfart at skoa eg har no, egnar seg lite til ein såpass lang tur, så eg må få tak i nye. Difor blir det tur inn til Hammarfest i morgon formiddag. Blir litt artig å koma innom der også. Reknar med å gå herfrå igjen i morgon ettermiddag ein gong. Det er 156 km til Nordkapp, i tillegg kjem evt ein tur ut på Knivskjellodden og kanskje ein avstikkar for å proviantere. Det vil ta 5-7 heile dagar skulle eg tru, men det kan jo dukke opp ting undervegs. Det er lite snø her nede i Skaidi, men i høgden er det jo fortsatt ein del. Det var ganske varmt idag, men bris i frå sør, så kortbuksevær er det ikkje heilt endå! Skal sjå om eg ikkje får ferdig eit resebrev i løpet av kvelden også

1 kommentar til “Skaidi”

  1. onkel Georg

    May 1st, 2006 20:41

    Kjære Ragnar!
    Ja, nå ser jeg deg for meg på Sennalandet, med veien milevidt i synsrada framover. Du får kose deg og dra inn i deg de siste dagenes naturopplevelser.
    Ved Porsanger-fjorden skal du vel forlate E-6`en og fortsette mot det ytterste Thule.Glad for å se at været foreløpig er så fint. Du må utstyre deg med brukande sko og nok plaster, så går det nok bra. Du har vært utrolig heldig med så lite skade og slitasje.
    Hilsen onkel Georg

Legg til ein kommentar

You must be logged in to post a comment.

Tilfeldig valgt bilde

IMGP0829.JPG

Date: 06.02.2006

Nyeste album

Etappe14-15 Maze-Skaidi-Nordkapp

Etappe14-15 Maze-Skaidi-Nordkapp

Date: 15.05.2006